Kinumpirma ng Israel ang pagkaka-detect ng Delta COVID-19 subvariant na iniulat sa ilang European countries, ayon sa Israeli health ministry.
“The variant AY 4.2. that has been discovered in a number of countries in Europe has been identified in Israel,” saad ng ministry sa isang pahayag.
Samantala, pinayuhan naman ng infection disease experts dito sa Pilipinas na hindi kailangan magpanik sa ulat hinggil sa Delta sub variant na kumakalat sa European countries at maging sa Israel.
Sinabi ni Dr. Edsel Salvana, miyembro ng Department of Health (DOH) Technical Advisory Group, na kailangan pa ng mas maraming pag-aaral ukol sa AY 4.2. subvariant.
“Kinakailangang pag-aralan pero di kailangang mag-panic,” aniya sa interbyu sa dzBB.
Giit ni Salvana na ang impormasyon pa lang ukol sa Delta subvariant ay pinatataas nito ang “transmissibility similar or just slightly higher than Delta.”
“Hindi siya tinuturing na formal variant. Parang Delta pa rin siya,” paglilinaw naman ni Salvana.
Hanggang sa ngayon ang Delta variant pa rin ang pinakakaraniwang nade-detect sa genome sequencing na umaabot sa 29.2%, ayon sa DOH.
(Toni Tambong)
The post Subvariant ng COVID-19 Delta variant, kinumpirma; pero ayon sa DOH, hindi kailangan mag-panic appeared first on News Patrol.
Subvariant ng COVID-19 Delta variant, kinumpirma; pero ayon sa DOH, hindi kailangan mag-panic
Source: Trending Filipino News
0 Comments