Walang dalaw sa Undas; pribado at pampublikong sementeryo, pati kolumbaryo, sa Maynila, sarado sa Oct. 29-Nov. 3

(Photo courtesy: Manila North Cemetery FB)

Isasara ang mga pribado, pampublikong sementeryo at kolumbaryo sa Maynila simula October 29 hanggang November 3.

Ito ay matapos lagdaan ni Manila Mayor Isko Moreno Domagoso ang Executive Order No. 33.

Nakasaad sa E.O. 33 na kabilang sa mga isasarang sementeryo ang  Manila North Cemetery, Manila South Cemetery at Manila Muslim Cemetery.

Pansamantala ring isasara sa publiko ang mga kolumbaryo sa panahon ng Undas.

Layon ng nasabing kautusan na maiwasan ang pagdagsa ng mga dadalaw sa sementeryo sa kani-kanilang yumaong mga mahal sa buhay.

Ang libing at cremation ay papayagan naman sa nasabing mga petsa ngunit kailangan ay walang kaugnayan sa COVID-19.

Kailangan din sumunod sa umiiral na minimum health protocols partikular na ang social distancing.

“The Directors of the Manila Cemeteries, with the assistance of the Manila Police District, the Manila Health Department, the Manila Disaster Risk Reduction and Management Office, and the Department of Public Services are directed to ensure compliance and implementation of this Order,” saad sa nasabing kautusan.

Nagbabala naman ang alkalde na maaring matanggalan ng mayor at bussiness permit ang hindi makasusunod sa nasabing Executive Order.

(Jocelyn Domenden)

 

 

Sent from Yahoo Mail on Android

The post Walang dalaw sa Undas; pribado at pampublikong sementeryo, pati kolumbaryo, sa Maynila, sarado sa Oct. 29-Nov. 3 appeared first on News Patrol.

Source: News Patrol PH