Namataang muli ang nasa 150 Chinese vessels na nangingisda sa West Philippine Sea, ayon sa National Security Council (NSC).
Ito ay matapos kumpirmahin ni Muntinlupa Representative Ruffy Biazon habang nasa House deliberations sa proposed P5.024 budget ng National Security Council (NSC) para sa 2022.
Si Biazon, ang vice chairman ng House committee on national defense and security.
“Kinoconfirm po ng NSC na mayroon pa rin pong umaaligid na Chinese maritime vessels doing fishing operations, moving one spot to another, at ‘yun nga po ‘yung binabantayan din ng counterparts dito sa Philippine side kaya nakikita po natin ‘yung challenge na ginagawa against these Chinese vessels,” pahayag ni Biazon.
“About 150 vessels, estimated. Nag-range from 30-50 meter vessels. May malalaking bapor din. Ito range ng sizes ng vessels,” dagdag pa ni Biazon.
“Sa appearance nila mukhang civilian vessels kaya tinatawag na maritime militia. They look civilian but you know they have some strategic mission to do out there. Pero mukhang civilian,” paliwanag pa ni Biazon.
Samantala, hindi naman binanggit ni Biazon ang bilang ng Philippine military vessels na nakadeploy sa lugar para sa seguridad ng bansa.
(Toni Tambong)
The post NSC: 150 Chinese vessel nangingisda sa WPS appeared first on News Patrol.
Source: News Patrol PH
0 Comments