(File photo)
Magsasagawa ng voting simulation ang Commission on Elections (Comelec) bukas, October 23, sa San Juan Elementary School bilang bahagi ng paghahanda para sa 2022 national at local elections.
Lalahok sa simulation ang 4,235 test voters mula alas 8 ng umaga hanggang alas 4 ng hapon.
Gagawin ito sa apat na silid-aralan bilang polling precinct at tatlo pang-silid aralan bilang holding area.
Ayon sa Comelec, tutukuyin kung gaano kabilis o kabagal ang proseso ng beripikasyon ng pagkakakilanlan ng botante sa Election Day Computerized Voting List (EDCVL) base sa 800 registered voters per clustered precinct.
Layunin nito ay ma-decongest ang mga polling places at makumpleto ang proseso ng pagboto sa pinakamaikling oras, habang isinaalang-alang ang minimum health and safety protocols.
“While we definitely expect these health and safety protocols to impact voting hours and the number of voters that may be allowed to vote at a given time, we are confident that this activity will help us to streamline the overall voting experience,” pahayag ni Comelec Spokesperson James Jimenez.
Health protocols
Ang test voters ay kailangang nakasuot ng face mask at face shields sa loob ng voting center at polling place at kailangang may one meter physical distancing sa lahat ng oras.
Ipatutupad ang madalas na disinfection sa mga bagay na madalas hawakan gayundin hindi mawawala ang temperature check. Maglalagay din ng mga plastic barriers.
May mga nakatalaga namang medical personnel at COVID-19 marshalls sa mga polling areas.
(Jocelyn Domenden)
The post Voting simulation para sa 2022 elections, isasagawa bukas, Oct. 23 appeared first on News Patrol.
Voting simulation para sa 2022 elections, isasagawa bukas, Oct. 23
Source: Trending Filipino News
0 Comments