(Photo courtesy: Miss Universe Philippines FB)
Nagwaging Miss Universe Philippines 2021 ang pambato ng Cebu City na si Beatrice Luigi Gomez. Tinalo niya ang 27 na iba pang kandidato sa tatlong oras na coronation night sa Panglao, Bohol.
Makasaysayang panalo ito para sa mga myembro ng LGBTQ+ community dahil si Gomez ang kauna-unahang openly gay Miss U Philippines title holder.
Inamin ng beauty queen sa pageant preliminaries na siya ay nasa long-term same-sex relationship.
Ipinagdiwang ng netizens ang kanyang pagkapanalo. Anila, hindi mahalaga ang sexual orientation kundi ang advocacy at prinsipyo ng tao.
Sa final Q&A portion, tinanong si Beatrice: “If during your reign as Miss Universe Philippines, things happen in your life that make you sad and uninspired, how will you be able to continue inspiring others?”
“It is very evident that all of us went through difficulties during this pandemic but it is also proof that we are able to rise to the occasion and if anything happened to me during my reign, I will not give up and inspire others by rising to the problems that I am encountering and by inspiring them that whatever you are going through you are able to overcome it,” sagot ni Gomez.
Sumunod na kinoronahan si Miss Taguig Katrina Dimaranan bilang Miss Universe Philippines Tourism, Miss Cavite Victoria Velasquez Vincent bilang Miss Universe Philippines Charity, Miss Pangasinan Maureen Christa Wroblewitz bilang 1st runner-up, at Miss Cebu Province Steffi Rose Aberasturi bilang 2nd runner-up.
Hindi sila sasalang sa anumang international pageant, ngunit maaari pumalit bilang Miss U Philippines kung hindi niya magampanan ang tungkulin.
Lalaban si Beatrice sa Miss Universe 2021 pageant sa December na gaganapin sa Israel.
(Toni Tambong)
The post Openly gay na si Beatrice Gomez ng Cebu City, kinoronahang Miss Universe Philippines 2021 appeared first on News Patrol.
Source: News Patrol PH
0 Comments