(Photo courtesy: Ateneo de Manila University)
Nagpositibo sa COVID-19 ang labing siyam na pari at seminarista ng Ateneo Jesuit Residence sa Quezon City.
Kinumpirma ito ni Jesuit Communications executive director Father Emmanuel “Nono” Alfonso kahapon, Sept. 28.
“Nineteen people at the Ateneo Jesuit Residence in Quezon City have tested positive for the coronavirus disease 2019,” pahayag ni Fr. Alfonso.
Agad din isinailalim sa lockdown ang apat sa Jesuit residence dahil sa outbreak.
Sa mga nagpositibo, kabilang ang 14 dayuhang seminarista sa Arrupe International Residence.
Kasama rin ang dalawang pari at dalawang Pilipinong seminarista mula sa Loyola House at isang seminarista naman sa Jose Seminary.
Pansamantalang inihiwalay muna ang iba pang mga pari at seminarista mula sa retiradong mga pari upang maiwasan na mahawaan ang komunidad.
Ang mga nagpositibo sa COVID-19 ay asymptomatic at kinukonsiderang mild cases.
Bakunado na rin sila laban sa COVID-19.
(Toni Tambong)
The post 19 na pari at seminarista sa Quezon City, positibo sa COVID-19 appeared first on News Patrol.
Source: News Patrol PH
0 Comments