VOTERS REGISTRATION SA MGA LUGAR NA NASA ILALIM NG MECQ, PINAYAGAN NA NG COMELEC

(File Photo)

Papayagan na ng Commission on Elections ang voter registration sa mga lugar na nasa ilalim ng  Modified Enhanced Community Quarantine (MECQ) simula sa  September 6.

Kinumpirma ito ni Comelec Spokesperson James Jimenez ngayong Miyerkules, September 1, matapos na aprubahan ng Comelec en banc.

Sa anunsyo ni Comelec spokesperson James Jimenez, magsisimula ito sa September  6, simula alas-8:00 ng umaga hanggang alas-5:00 ng hapon.

“Comelec En Banc just now approves conduct of registration, from 8 am to 5 pm, in areas under MECQ, starting September 6, 2021. In-mall voter registration will be allowed,” ayon kay Comelec spokesman James Jimenez.

Pinayagan na rin ng Comelec en banc ang voter registration sa loob ng mga mall.

Matatandaang unang sinabi ni Jimenez na hindi papayagan na magsagawa ng voter registration sa mga non-GCQ o MGCQ upang maiwasan  na malantad ang mga tao sa COVID-19.

Bukod dito, sinabi rin ng Comelec na hindi na kailangan pang palawigin ang voter registration dahil naabot na rin naman ang target na bilang ng new registrants.

Dagdag pa ni Jimenez,  nakatakdang ilabas ng poll body ang kumpletong impormasyon tungkol dito.

Tatagal ang voter registration hanggang September 30, 2021 lamang.

(Jocelyn Domenden/Toni Tambong)

The post VOTERS REGISTRATION SA MGA LUGAR NA NASA ILALIM NG MECQ, PINAYAGAN NA NG COMELEC appeared first on News Patrol.

Source: News Patrol PH