MGA OTORIDAD SA AMERIKA, NAALARMA SA PAGDAMI NG MGA PEKENG VACCINATION CARD

(Photo Courtesy: Screenshot from ABC News)

Naaalarma ang mga otoridad sa Amerika sa pagdami ng mga pekeng vaccination card lalo na sa online market.

Sinabi ng Health and Human Services’ Office of Inspector General sa ABC News na dumarami ang natatanggap nilang report tungkol sa mga indibidwal na gumagawa, nagbebenta at gumagamit ng mga pekeng COVID-19 vaccination card.

Nagbabala naman ang mga otoridad laban sa pagkalat ng mga pekeng vaccination card na ito na maaring ma-compromise ang identity ng isang tao at nagiging banta rin sa paglaban ng bansa sa virus.

“We are seeing it be widespread, and part of that is because it’s being done across social media and e-commerce, where anybody who might run into it could become a participant in it,” sabi ni  Miranda Bennett, HHS-OIG special agent in charge of health care fraud sa ABC News tungkol pa rin sa pagtaas ng nasabing kaso.

“It is very concerning,” dagdag pa ni Bennett.

Sinasabing ang pagdami ng mga pekeng vaccination card ay dahil na rin sa nagiging requirement ito sa mga federal, state at local levels public at private sector.

Karamihan sa mga establisimyento ay kinakailangan ang patunay ng pagbabakuna para makapagtrabaho sa ospital, makapagturo o makapasok sa eskwelahan, gym o makakain sa restaurant.

Pero sa kabila ng mga bagong polisiya ay at pagbibigay ng full approval ng FDA ngayong buwan sa Pfizer COVID-19 vaccine ay marami pa ring Amerikano ang nag-aalangan na magpabakuna.

Ayon sa mga eksperto, sila ay lubhang nababahala dahil sa mga scammer na posibleng magamit ang mga personal na impormasyon at humantong sa identity theft.

“At the end of July, we saw a spike in new services where they’re actually offering the hacking of databases, along with the cards themselves,” sabi naman ni  Saoud Khalifah, executive ong Fakespot, isang kumpanya na nag-specialize sa pagtarget sa mga gumagawa ng online fraud.

“These fraudsters know what they’re doing — they see trends, and they jump on them.”

“If they’re actually putting in these fraudulent records … it’s a huge problem for society,” sabi pa ni Khalifah.

“These scammers are very savvy, once you’ve given that information, it’s there and you can’t give it back, sabi pa ni Bennet.

The post MGA OTORIDAD SA AMERIKA, NAALARMA SA PAGDAMI NG MGA PEKENG VACCINATION CARD appeared first on News Patrol.

Source: News Patrol PH