Dinagdagan ng Inter-Agency Task Force ang klasipikasyon nito sa mga bansang papasok sa Pilipnas kung saan kabilang na ang “yellow at red list” na mga bansa.
Ito ay base sa kani-kanilang incidence rates at case counts bilang primary criteria at testing data bilang secondary criteria.
Ang incidence rate ay ang pinagsama-samang bagong kaso sa nakalipas na 28 araw sa kada 100,000 populasyon habang ang case counts naman ay pinagsama-samang bagong kaso sa nakalipas na 28 araw.
Nauna nang nagtatag ang Pilipinas ng ‘Green’ countries, o mga bansang ligtas na makapasok sa Pinas.
Kabilang na rito ang American Samoa, Anguilla, Australia, Benin, Burkina Faso, Cameroon, Cayman Islands, Chad, China, Comoros, Republic of the Congo, Djibouti, Equatorial Guinea, Falkland Islands (Malvinas), Gabon, Grenada, Hong Kong (Special Administrative Region of China), Hungary, Mali, Federated States of Micronesia, Montserrat, New Caledonia, New Zealand, Niger, Northern Mariana Islands, Palau, Poland, Saba, Saint Pierre and Miquelon, Sierra Leone, Sint Eustatius, Slovakia at Taiwan.
Sa paliwanag ni Presidential spokesperson Harry Roque na “classified” bilang Moderate Risk ang “Yellow List” countries/jurisdictions/ territories batay sa mga sumusunod na metrics: “(i) for populations greater than 100,000, the incidence rate shall be 50 to 500; and (ii) for populations less than 100,000, the COVID-19 case counts shall be 50 to 500; and testing rate of tests over the past 28 days per 100,000 population.”
Ang mga inbound international travelers, maging anuman ang kanilang vaccination status na nanggaling mula sa o may travel history sa loob ng 14 na araw bago ang kanilang pagdating sa Pilipinas mula sa “Yellow List” countries/jurisdictions/territories ay “shall be governed by entry, testing and quarantine protocols.”
Una na rito, kailangan na sumailalim ang mga ito sa 14-day quarantine sa kanilang pagdating.
Kailangan na nakumpleto ng mga ito ang unang 10 araw sa quarantine facility habang ang natitirang 4 na araw ay kailangan na ilaan sa home quarantine sa kani-kanilang local government units na kanilang pupuntahan.
Pangalawa, kailangang sumailalim sa RT-PCR testing sa ika-pitong araw, “with their day of arrival serving as Day 1. Notwithstanding a negative test result, they have to complete their facility quarantine for 10 days.”
Ang pangatlo ay kailangang tiyakin ng Bureau of Quarantine na mahigpit na magsasagawa ng mahigpit na symptom monitoring habang nasa facility quarantine para sa 10 araw.
At pang-apat naman ayon pa kay Sec. Roque, “the foregoing shall be subject to special protocols approved by the IATF or the Office of the President for certain classes of travelers or ports of origin.”
Ang “Red List” countries/jurisdictions/territories ay classified naman bilang “High Risk” base sa sumusunod na metrics: “(i) for populations greater than 100,000 the incidence rate shall be more than 500; and (ii) for populations less than 100,000, the COVID-19 case counts shall be more than 500, and testing rate of tests over the past 28 days per 100,000 population.”
Ang mga inbound international travelers, maging anuman ang kanilang vaccination status, na nanggaling mula sa o nasa “Red List” countries/jurisdictions/territories ay hindi papayagan na pumasok ng Pilipinas.
Tanging ang mga Pilipino na magbabalik sa bansa via government-initiated repatriation, non-government-initiated repatriation at Bayanihan flights ay maaaring payagan na pumasok ngunit kailangan pa ring sumailalin sa testing at quarantine protocols.
The post MGA BIYAHERONG GALING SA “YELLOW AT RED LIST” COUNTRIES, KAILANGANG SUMAILALIM SA HEALTH PROTOCOLS NG PILIPINAS appeared first on News Patrol.
Source: News Patrol PH
0 Comments