ISOLATION FACILITY SA NAT’L CENTER FOR MENTAL HEALTH, NAKUMPLETO NA

(Photo Courtesy: NCMH FB thru PNA)

Natapos na rin ng Department of Public Works and Highways (DPWH) ang  karagdagang  80 bed isolation facility at  96 bed dorms para sa  hospital workers sa National Center for Mental Health.

Ayon kay Secretary and Isolation Czar Mark A. Villar, sa kalagitnaan ng September ay  iti-turn-over na ito sa Department of Health.

Sinabi ni Villar na ang shipping container na ginawang quarantine/isolation facility ay inilaan para sa mga mild at asymptomatic  cases sa NCMH compound dahil na rin sa tumataas na kaso ng Covid-19 sa Metro Manila at karatig  probinsya.

“The newly-build isolation facilities to accommodate more mild cases will effectively free up hospital beds which in the past days saw record high of new and active cases in moderate, critical or severe cases needing medical care,” pahayag ni   Villar.

Sinabi naman ni Usec. Emil Sadain, head ng DPWH Task Force to Facilitate Augmentation of Local/National Health Facility, ang nasabing pasilidad ay magagamit  para sa mga moderate symptoms ngunit pagaling na mula sa virus at hindi na kailangan ang agarang atensyong medical.

 

(Jocelyn Domenden)

The post ISOLATION FACILITY SA NAT’L CENTER FOR MENTAL HEALTH, NAKUMPLETO NA appeared first on News Patrol.

Source: News Patrol PH