BAR EXAM REGISTRATION, PINALAWIG NG SUPREME COURT

Pinalawig pa ng Korte Suprema hanggang September 24 ang pagpaparehistro ng mga aplikante para sa nalalapit na bar examination.

Kinakailangan umanong nakapagparehistro na ang aplikante online.

Matatandaang nitong September 15 ay nagtapos na ang online application ng SC ngunit nalaman umano nila na marami sa mga ito ang hindi pa nakakumpleto ng kanilang registration.

“Those who have substantially complied with the deadline will be given until Sept. 24, 2021 to complete their registration,” pahayag ng SC sa pamamagitan ng bar bulletin na inilabas ni Associate Justice Marvic M.V.F. Leonen, chairperson para sa 2020-2021 bar examination committee.

Kasama sa mga pasok sa application extension ay ang mga:

“Applicants who have uploaded their documentary requirements but have yet to pay their bar fees (P10,000), or paid applicants, but whose payments have not been reflected in their accounts; and applicants who only partially completed their applications; or applicants who could not submit their applications because of technical issues.”

Para sa mga aplikanteng may katanungan ay maaari umano silang kontakin sa Office of the Bar Confidant Helpdesk hotlines na 09178138543 o 09088507682 o kaya mag-send ng email sa obc.helpdesk.sc@judiciary.gov.ph

Sa kasalukuyan ay mayroong 24 na testing center na magsasagawa ng bar examination sa November 7, 14, 21 at 28.

Mayroon pang apat na ibang testing center na kinokunsiderang  buksan, tatlo sa Metro Manila at isa sa Central Luzon.

(Toni Tambong)

The post BAR EXAM REGISTRATION, PINALAWIG NG SUPREME COURT appeared first on News Patrol.

Source: News Patrol PH