(Photo courtesy: National task Force against Covid-19 FB)
Tiniyak ng Department of Health (DOH) at ng National Task Force (NTF) Against COVID-19 na may sapat na suplay ng syringes na 0.3ml syringes (microsyringes) na angkop sa Pfizer COVID-19 vaccines at 0.5ml auto-disable (AD) syringes para sa lahat ng bakuna.
Nilinaw ng DOH at NTF na ang dalawang batch ng procurement ay ginawa sa pamamagitan ng UNICEF.
Ang unang batch, na pinondohan sa pamamagitan ng savings mula sa CY 2020 UNICEF procurement, kasama ang 8 milyong 0.3ml syringes ay nagkakahalaga ng P29.1 milyon.
Ang second batch na pinondohan sa pamamagitan ng Asian Development Bank ay binubuo ng 44 milyong syringes na nagkakahalaga ng higit P152.6 milyon.
Sa pangalawang batch na ito, 4 milyon ang ihahatid ngayong December 2021 at matitirang 40 milyon sa unang quarter ng 2022 dahil sa kakulangan sa pandaigdigang suplay.
Sa ngayon, 3,653,000 syringes mula sa 4 na milyon ang nai-deliver na at ang iba ay inaasahan sa susunod na linggo. “Even with the delays in delivery of microsyringes, we made sure that we can still administer the Pfizer vaccines that we procured by using tuberculin syringes.
The government together with LGUs and the private sector is working hard to increase our vaccine coverage to protect more Filipinos against COVID-19. Through our bayanihan, we achieved 2.82 million jabs in one day,” pahayag ni Secretary Vivencio “Vince” Dizon, Presidential Adviser on COVID-19 Response.
Dagdag pa rito, bumili din ang DOH ng 100 milyong piraso ng 0.5ml AD syringes noong April 2021 sa halagang P2.38 bawat piraso, mula sa paunang naaprubahang budget na P2.50 bawat piraso.
“We are continuously ensuring enough supplies of syringes for our COVID-19 vaccination program – noting that 0.3ml syringes are different from 0.5ml syringes, and as such would have varying prices.
We assure the public that the DOH is continuously ensuring a sufficient stockpile of syringes and that processes to obtain these are consistent with the provisions of RA 9184 or the Government Procurement Act,” sinabi naman ni Atty. Charade Mercado-Grande, Undersecretary ng Health Regulation Team.
(Jocelyn Domenden)
The post Sapat na suplay ng hiringgilya para sa bakuna, tiniyak ng DOH at NTF appeared first on News Patrol.
Sapat na suplay ng hiringgilya para sa bakuna, tiniyak ng DOH at NTF
Source: Trending Filipino News
0 Comments