Pinay, nakatanggap ng highest honors sa Master’s program sa University of Oxford

(Photo courtesy: Ellaine Joy Sanidad FB)

Natanggap ng Filipino graduate student na si Ellaine Joy Calapao Sanidad ang highest honors sa kanyang Master of Studies (MSt) in Diplomatic Studies program sa University of Oxford sa United Kingdom.

Natanggap ni Ellaine ang parangal nitong December 2, 2021 at nakatakdang magtapos sa March 12, 2022.

Si Ellaine, na tubong Ilocos Norte, ay nakapag-aral sa University of Oxford sa pamamagitan ng Chevening scholarship kung saan siya pumasa noong 2020.

Binibigyan ng Chevening scholarship ng oportunidad ang mga karapat-dapat na estudyante na matapos ang isang taong master’s degree.

Dumadaan ang naturang scholarship sa maraming screenings at interviews.

Nagtapos si Sanidad bilang Magna Cum Laude ng programang Bachelor of Arts in Communication Arts mula sa University of the Philippines-Los Baños (UP-LB) noong 2010.

Natapos niya ang kanyang Master’s Degree in Speech Communication sa University of the Philippines Diliman.

Isa siyang valedictorian noong elementarya at high school sa San Isidro Central School at Immaculate Conception Academy sa Batac, Ilocos Norte.

Nangunguna ang University of Oxford sa Times Higher Education World University Rankings, ika-lima sa QS World University Rankings, at ika-pito sa Shanghai Ranking Consultancy’s Academic Ranking ng World Universities sa taong 2021.

(Toni Tambong)

The post Pinay, nakatanggap ng highest honors sa Master’s program sa University of Oxford appeared first on News Patrol.

Pinay, nakatanggap ng highest honors sa Master’s program sa University of Oxford
Source: Trending Filipino News