(Photo courtesy: Marian Rivera Instagram)
Tumulak na patungong Israel ang Kapuso primetime queen na si Marian Rivera para maging judge sa 70th Miss Universe beauty pageant.
Nag-post si Marian sa kanyang Instagram stories ng larawan sa loob ng eroplano kasama ang asawang si Dingdong Dantes.
Dadalo muna si Marian sa iba’t-ibang pageant activities bago ang grand coronation ng bagong Miss Universe sa December 12.
(In photo: Marian Rivera papuntang Israel upang mag-judge sa 70th Miss Universe, kasama ang asawang si Dingdong Dantes. Photo courtesy: Marian Rivera Instagram)
Hindi naman natitinag ang aktres sa mga kritikong kumukwestyon sa kanyang qualification bilang Miss Universe judge.
“Aaminin ko na hindi naman talaga English ang first language ko kung hindi Filipino at kinuha pa rin nila ako siguro hindi lang dahil doon, kung hindi dahil sa aking body of work bilang isang Filipina,” ayon kay Marian.
“Basta ang masasabi ko lang, hindi naman ako mapagpanggap. I-e-express ko ang sarili ko na naaayon sa nararamdaman ko sa araw na iyon,” dagdag ng aktres.
(Photo courtesy: Marian Rivera Instagram)
Giit ni Marian, hindi niya tatalikuran ang pagkakataong maging bahagi ng Miss Universe selection committee.
“Minsan lang ito dumating eh, so bakit hindi ko siya tatanggapin? Para sa akin, isang malaking karangalan ito,” ayon sa aktres.
(NP)
The post Marian Rivera tumulak na sa Israel upang maging judge sa Miss Universe appeared first on News Patrol.
Marian Rivera tumulak na sa Israel upang maging judge sa Miss Universe
Source: Trending Filipino News
0 Comments