Tatagal nang hanggang siyam na buwan ang shelf life ng Pfizer COVID-19 vaccine mula sa expiration date nito, ayon sa Department of Health (DOH).
“Itong extension ng shelf life ng Pfizer, it happened months before. This was applied for by the manufacturer and submitted to the Department of Health and FDA (Food and Drug Administration)… We can extend the shelf life,” pahayag ni DOH Undersecretary Maria Rosario Vergeire.
“So we were able to use up some of the Pfizer doses na meron tayo na set to expire,” dagdag pa ni Vergeire.
Inaantay pa ang iba pang vaccine manufacturers sa pag-a-apply sa pagpapalawig ng shelf life ng kanilang mga bakuna.
“We’re looking if the other vaccine manufacturers can follow suit and apply with FDA… if their shelf life for the specific vaccines can also be extended,” ayon pa sa opisyal.
Samantala, sinabi ni Vergeire na nakatabi pa rin ang mahigit 14,000 AstraZeneca vaccine doses sa Negros Occidental na napaso na.
“We have coordinated with the manufacturer — kinakausap kung magkakaroon din sila ng pag-a-apply ng extension of shelf life for these vaccines para magamit pa rin po even after this expiry date,” saad pa ni Vergeire.
Pinaalalahanan naman ni Vergeire ang mga lokal na pamahalaan.
“Pag binigyan namin kayo, hindi ho kami magbibigay ng bakuna na expired na. Ang ibinigay sa inyo near expiring, which still can be used,” paalala ni Vergeire.
“Pangalawa, iyon pong mga supplies natin ng bakuna ngayon, kung ano ang mai-deliver sa inyong lugar sana po tanggapin po natin. Pare-pareho po ang epekto ng mga bakunang meron tayo ngayon,” paliwanag pa ng opisyal.
(Toni Tambong)
The post DOH: Pfizer vaccine puwede pa ring gamitin 9 na buwan matapos ang expiration date appeared first on News Patrol.
DOH: Pfizer vaccine puwede pa ring gamitin 9 na buwan matapos ang expiration date
Source: Trending Filipino News
0 Comments