Mahigit 2,000 estudyante ng pampublikong elementarya at senior high school (SHS) sa Metro Manila ang nakatakdang bumalik sa in-person classes sa Lunes, ayon sa opisyal ng Department of Education (DepEd), Linggo.
Ang mga estudyante na nasa Kindergarten hanggang Grade 3 at SHS ay mula sa 28 paaralan sa National Capital Region na pinili upang makibahagi sa pilot phase ng in-person classes sa gitna ng coronavirus disease (COVID-19) pandemic.
“Isa po tayo sa pinakahuli [na nag-face-to-face classes] dahil kabababa lang ng ating alert level sa level 2,” ayon sa pahayag ni Wilfredo Cabral, officer-in-charge ng office for the Undersecretary of human resources ng DepEd sa panayam sa ABS-CBN TeleRadyo.
“Iyan po (mga paaralan) ay dumaan sa masusing paghahanda. Lahat ito ay sumunod doon sa patakaran na kailangang ma-achieve iyong ating safety seal using the school safety assessment tool,” sabi pa ni Cabral.
Base sa listahan ng DepEd, sa 17 lokalidad ng NCR, Pateros lamang ang hindi makikilahok sa pilot run.
Iginiit naman ni Cabral na nakahanda ang protocols sakaling may magpositibo sa Covid-19 na estudyante o school personnel.
“Kung mayroon lalabas na kaso, whatever variant, stop po agad ang ating implementation [ng face-to-face],” dagdag pa niya.
Kabilang sa mga eskwelahang sasabak sa F2F classes ay ang mga sumusunod:
Andres Bonifacio Elementary School – Caloocan City
Bagumbong Elementary School – Caloocan City
Comembo Elementary School – Makati City
Santiago Syjuco Memorial Integrated Secondary School – Malabon City
Amado T. Reyes Elementary School – Mandaluyong City
Renato R. Lopez Elementary School – Mandaluyong City
Aurora A. Quezon Elementary School – Manila City
Ramon Q. Avancena High School – Manila City
St. Mary Elementary School – Marikina City
Tañong High School – Marikina City
Putatan Elementary School – Muntinlupa City
Tunasan National High School – Muntinlupa City
Bangkulasi Senior High School – Navotas City
Filemon T. Lizan Senior High School – Navotas City
Don Galo Elementary School – Parañaque City
La Huerta Elementary School – Parañaque City
Padre Zamora Elementary School – Pasay City
Ugong National High School – Pasig City
Pasig Elementary School – Pasig City
Bagong Silangan Elementary School – Quezon City
Payatas B Elementary School – Quezon City
Pedro Cruz Elementary School – San Juan City
Ricardo P. Cruz, Sr. Elementary School – Taguig City
Sen. Renato “Compañero” Cayetano Memorial Science & Technology High School – Taguig City
Roberta De Jesus Elementary School – Disiplina Village Bignay Extension – Valenzuela City
Tagalag Elementary School – Valenzuela City
Las Piñas National High School – Las Piñas City
National Senior High School – Manuyo Campus – Las Piñas City
(Toni Tambong)
The post DEPED: Higit 2K estudyante sa NCR, balik-eskwela sa Lunes, December 6 appeared first on News Patrol.
DEPED: Higit 2K estudyante sa NCR, balik-eskwela sa Lunes, December 6
Source: Trending Filipino News
0 Comments