300 turista kada araw, papayagan na sa Sagada

_{(Photo courtesy: screengrab from Municipality of Sagada FB)}

Unti-unti nang nagbubukas ang Sagada, Mountain Province sa mga turista.

Ang Sagada  ay isa sa itinuturing na premier tourist destination sa Cordillera dahil sa kanyang mga kweba, waterfalls, rice terraces at marami pang iba.

Dahan-dahan nang binubuksan ng munisipalidad sa turismo ang lugar para muling buhayin ang  ekonomiya na matagal nalugmok dahil sa pandemya.

Ayon kay Sagada Mayor James Pooten na 300 turista lamang kada araw ang papayagang makapasok sa lugar para masigurong nakakasunod sa minimum health protocols.

Ang mga turista ay kailangang magprisinta ng one-night booking sa isang accredited establishment at local government-certified accommodation.

Dapat nagawa ang booking sa loob ng 2 araw bagao dumating sa Sagada.

Kailangang nakasakay din ang mga turista sa isang personal o private vehicle sa pagbisita sa Sagada.

Ang mga turista ay kailangang 18-65 years old.

Hinikayat din ni Mayor Pooten ang mga bisita na sumunod sa regulasyon ng lugar para masiguro ang masaya at ligtas na pagbisita sa munisipalidad.

Kailangan ding mag-register muna ang mga bisita sa  online registration platform ng Sagada, ang– umali-kayo.sagada.gov.ph, at saka mag-book ng accommodations sa mga establisimyentong accredited ng Departmnet of Tourism online.

Ang registration portal ng Sagada ay bukas mula 8 a.m. hanggang 4 p.m. araw-araw.

Ang mga hindi bakunadong turista ay kailangan magpakita ng negative RT-PCR test na kinuha 72 hours bago ang biyahe sa Sagada.

Ang mga bakunado naman ay kailangan lamang magpakita ng kanilang vaccination card o certificate na nagpapatunay na sila ay fully vaccinated na.

(NP)

The post 300 turista kada araw, papayagan na sa Sagada appeared first on News Patrol.

300 turista kada araw, papayagan na sa Sagada
Source: Trending Filipino News