(File photo)
Nagpasya ang Senate blue ribbon committee na ipa-cite in contempt si dating Department of Budget and Management (DBM) Undersecretary Lloyd Christopher Lao dahil sa hindi niya muling pagdalo sa virtual hearing ng senate blue ribbon committee ngayong araw, Nov. 4.
Si senator Kiko Pangilinan ang naghain ng mosyon para ipa-contempt si Lao na sinegundahan naman ni senator Risa Hontiveros.
Inaprubahan naman ito ni Senate Blue Ribbon committee chairman Richard Gordon.
Ayon kay Gordon, wala na sa gobyerno si Lao kaya hindi na ito saklaw ng ipinalabas na Memorandum Order ni Pangulong Rodrigo Duterte na nagbabawal sa mga cabinet member at iba pang executive officials na dumalo sa pagdinig.
Dahil pangatlong beses nang hindi nagpapakita sa Lao sa pagdinig ng Blue Ribbon committee, sinabi ni Gordon na dapat lang na i-contempt na ito sa halip na padalhan ng show cause order para pagpaliwanagin.
Si Lao ang head ng procurement service ng Department of Budget and Management noong mabigyan ng multi- bilyong pisong halaga ng kontrata ang Pharmally Pharmaceutical Corporation at ilan pang supplier.
(Estrella Bueno)
The post Dating DBM usec Christopher Lao, ipina-contempt ng senado appeared first on News Patrol.
Dating DBM usec Christopher Lao, ipina-contempt ng senado
Source: Trending Filipino News
0 Comments