Buong bansa, ilalagay na sa Alert Level System simula Nov. 22

Aprubado na ng Inter-Agency Task Force (IATF) ang pagpapatupad ng Phase 4 ng Alert Level System sa bansa.

Ibig sabihin nito, ipatutupad na ang nasabing sistema sa lahat ng natitirang rehiyon sa ilalim ng kani-kanilang Alert Levels mula November 22 hanggang November 30, 2021.

“Thereby covering all regions in the country,” ayon kay acting Presidential spokesperson at Cabinet Secretary Karlo Nograles.

Inilagay na sa ilalim ng Alert Level 2 ang Benguet, Abra at Kalinga sa Cordillera Administrative Region; Oriental Mindoro, Puerto Princesa, Marinduque, Romblon, Palawan at Occidental Mindoro sa Region IV-B; Butuan City, Surigao del Norte, Agusan del Sur, Surigao del Sur at Agusan del Norte sa Region XIII (CARAGA), Basilan, Cotabato City, Tawi-Tawi, Lanao del Sur at Maguindanao naman sa Bangsamoro Autonomous Region in Muslim Mindanao (BARMM).

Samantala, inilagay naman sa ilalim ng Alert Level 3 ang Apayao, Mountain Province at Ifugao sa Cordillera Administrative Region; Dinagat Islands sa CARAGA; at Sulu sa BARMM.

Matatandaang una nang pinalawig ng Inter-agency Task Force (IATF) for the Management of Emerging Infectious Diseases ang Alert Level 2 sa Metro Manila hanggang November 30.

Ang lalawigan ng Catanduanes ay isinailalim naman sa Alert level 4.

(Toni Tambong)

The post Buong bansa, ilalagay na sa Alert Level System simula Nov. 22 appeared first on News Patrol.

Buong bansa, ilalagay na sa Alert Level System simula Nov. 22
Source: Trending Filipino News