(File photo)
Ipatutupad na sa buong bansa simula December 1 ang Alert Level System na kasalukuyang pinaiiral sa National Capital Region (NCR) at ilang lugar, ayon sa Department of Health (DOH).
“Naglagay na tayo ng schedule ng lahat ng areas in the country kung saan sila ay makakasama na sa implementasyon nitong shift in policy,” pahayag ni Health Undersecretary Maria Rosario Vergeire sa Palace press briefing.
“So meron na tayong bagong areas na makakasama sa pilot implementation next week and then hanggang sa dulo ng Nobyembre,” dagdag pa ni Vergeire.
Isinailalim naman ang National Capital Region (NCR) sa Alert Level 2 mula November 5 hanggang 21.
Base kay Presidential spokesperson Harry Roque, simula December 1, ilalabas ang alert level assignments kada ika-15 at ika-30 ng buwan.
“Nakita natin in NCR when we started off, [the alert level system] was effective. Nakita natin na pababa ang kaso because of these different interventions and sinunod na natin ang ibang lugar,” giit ni Vergeire.
(Toni Tambong)
The post Alert level system ipatutupad na sa buong bansa simula sa Disyembre appeared first on News Patrol.
Alert level system ipatutupad na sa buong bansa simula sa Disyembre
Source: Trending Filipino News
0 Comments