2,303 Covid-19 cases, pinakamababang kaso sa nakalipas na 8 buwan

Nagtala ang Department of Health (DOH) ng 2,303 na karagdagang kaso ng COVID-19 ngayong araw, November 2.

Ito na ang pinakamababang kaso ng Covid-19 sa nakalipas na walong buwan o pagkatapos noong March 2 kung saan nagtala ang bansa ng 2,100 cases.

Umakyat naman ang kabuuang kaso ng Covid-19 sa bansa sa 2,792,656, ayon pa rin sa Department of Health.

Mayroon namang naitalang 4,677 na gumaling at 128 na pumanaw.

Sa kabuuang bilang ng mga naitalang kaso sa bansa, 1.5% (40,786) ang aktibong kaso, 97.0% (2,708,466) na ang gumaling, at 1.55% (43,404) ang namatay.

Ayon sa pinakahuling ulat, lahat ng mga laboratoryo ay operational noong October 31, 2021 habang mayroong 8 laboratoryo na hindi nakapagsumite ng datos sa COVID-19 Document Repository System (CDRS).

Matatandaang sinabi ng Octa Reearch na patuloy ang pagbaba ng Covid-19 cases sa bansa.

Kaya naman sinabi ng research group na  maari nang ibaba o mas luwagan pa ang Alert level sa bansa sa Alert level 2 para mas marami pang negosyo ang magbukas at makabangong muli ang ekonomiya ng bansa.

The post 2,303 Covid-19 cases, pinakamababang kaso sa nakalipas na 8 buwan appeared first on News Patrol.

2,303 Covid-19 cases, pinakamababang kaso sa nakalipas na 8 buwan
Source: Trending Filipino News