VP Leni Robredo, iaanunsyo ang desisyon kung tatakbo sa pagka-pangulo bago mag-October 8

Magkakaalaman bago mag-October 8, o sa huling araw ng filing ng certificate of candidacy (COC), kung tatakbo sa pagka-pangulo si Vice President Leni Robredo.

Ito ay ayon sa kanyang tagapagsalita na si Atty. Barry Gutierrez.

Pero sa ngayon, wala pang opisyal na pahayag si Robredo tungkol sa kanyang plano para sa 2022  elections.

Naunang lumabas sa isang report na tinanggap na umano ni Robredo ang nominasyon ng 1Sambayan para tumakbo siya sa pagka-pangulo.

Ito ay base sa naging pahayag ni Bro. Armin Luistro na isa sa convenor ng 1Sambayan.

Sinabi umano ni Luistro na tinanggap na ni Robredo ang endorsement ng 1Sambayan at maaaring mag-file na ng certificate of candidacy sa October 5.

“We understand and it is clear many are excited. It won’t be long now. We only have to wait for days and we will know what her decision will be,” sabi pa ni Gutierrez.

Noong isang linggo lang ay inendorso si Robredo ng grupong 1Sambayan para sa pagka-presidente dahil na rin sa kanyang “integrity, competence, at track record.”

Sinubukan din umano ng grupo na magkaroon ng united opposition slate para lumaban sa administration ticket, pero hindi ito naisakatuparan matapos magdeklara sina Manila Mayor Isko Moreno Domagoso at Sen. Manny Pacquiao ng pagkandidato bilang pangulo.

“Of course, it’s a heavy matter that she has to think about. But it’s not a discussion of Robredo just looking for people to support her, but also if her decision would be good for the country,” dagdag pa ni Gutierrez.

The post VP Leni Robredo, iaanunsyo ang desisyon kung tatakbo sa pagka-pangulo bago mag-October 8 appeared first on News Patrol.

VP Leni Robredo, iaanunsyo ang desisyon kung tatakbo sa pagka-pangulo bago mag-October 8
Source: Trending Filipino News