Vince Dizon, nagbitiw bilang president ng BCDA

(Photo courtesy: pcoo.gov.ph)

Nagbitiw na sa tungkulin si Bases Conversion Development Authority o BCDA President Vince Dizon.

Sa hearing ng senado sa panukalang budget ng BCDA, nabanggit na nagsumite ng irrevocable resignation si Dizon epektibo noong October 15.

Tinanong kasi ni Senate Comittee on Finance Chairman senator  Sonny Angara kung pormal nang nagbitiw si Dizon.

Ikinagulat ito ni Senator Nancy Binay  na nagtanong kung lalahok din ba sa 2022 elections si Dizon.

Kinumpirma naman ni BCDA Executive Vice President Aileen Zosa ang resignation ni Dizon.

“Mr. Chairman, the resignation letter of president Vince Dizon to the President has an effectivity date of his resignation on October 15,”  paliwanag ni Zosa.

Ayon kay Zosa, bagamat  nagbitiw na bilang BCDA President si Dizon, mananatili pa rin siya sa gabinete  bilang Deputy Chief Implementer sa COVID-19 response ng pamahalaan.

Patuloy anyang tutulong si Dizon sa ginagawang pagsusumikap ng pamahalaan na malabanan ang pandemya.

 

(Estrella Bueno)

The post Vince Dizon, nagbitiw bilang president ng BCDA appeared first on News Patrol.

Vince Dizon, nagbitiw bilang president ng BCDA
Source: Trending Filipino News