U.S. military, nababahala sa umano’y hypersonic weapons test ng China

(Photo: U.S. Joint Chiefs of Staff Chairman Gen. Mark Milley. Courtesy: jcs.mil)

Ibinunyag ng isang mataas ng opisyal ng U.S. military na nagsasagawa diumano ang China ng hypersonic weapons test.

Ayon kay General Mark Milley, chairman ng U.S. Joint Chiefs of Staff, nakababahala ito dahil hindi nade-detect ng American missile defenses ang mga naturang hypersonic weapons.

“What we saw was a very significant event of a test of a hypersonic weapon system. And it is very concerning,” ayon kay Milley sa panayam ng Bloomberg television.

Sa ulat ng Reuters news agency, mahirap ma-detect at ma-intercept ang hypersonic weapons dahil sa bilis nito na umaabot ng 6,200 kilometers per hour.

Dagdag pa ng ulat, may hinala ang Amerika na ang testing ng naturang hypersonic weapon ay ginawa mula sa orbit ng Earth upang makaiwas sa missile warning systems.

Nauna nang itinanggi ng China ang sinasabing weapons test, at sa halip, testing umano ito para sa isang space vehicle.

Ayon sa Reuters report, pareho nang nakapagsagawa ng hypersonic weapons test ang Amerika at Russia.

(NP)

 

The post U.S. military, nababahala sa umano’y hypersonic weapons test ng China appeared first on News Patrol.

U.S. military, nababahala sa umano’y hypersonic weapons test ng China
Source: Trending Filipino News