Squid Game, BTS nominado sa 2021 People’s Choice Awards

admin October 28, 2021

Inilabas na ng 47th People’s Choice Awards ang listahan ng nominees para sa taong ito.

Kabilang ang smash-hit Netflix original series na ‘Squid Game’ sa mga nominado sa TV category para sa ‘The Bingeworthy Show of 2021’.

Makakalaban ng ‘Squid Game’ ang ‘Loki’, ‘Mare of Eastown’, ‘Cobra Kai’, ‘Outerbanks’, ‘Sex/Life’, ‘Ted Lasso’ at ‘The White Lotus’.

Ang South Korean dystopian drama na ‘Squid Game’ ang biggest hit sa kasaysayan ng video streaming service na Netflix.

Number 1 ito sa mahigit 80 bansa, at mahigit 100 million na ang nakapanood nito.

Samantala, sa music category nominado ang BTS sa tatlong kategorya.

Kabilang dito ang ‘The Group of 2021’ at ‘The Song of 2021’ para sa kanilang track na ‘Butter’.

Nominado rin ang BTS sa kategoryang ‘The MV of 2021’ para sa ‘Butter’ at ‘My Universe’ na collaboration ng Coldplay at BTS.

(BTS. Photo courtesy: BTS Official FB)

Hanggang November 17 ang online voting. Iaanunsyo naman ang winners sa December 7 sa Santa Monica, California, USA.

(NP)

Trending Filipino News