Nasa heightened alert ngayon ang Philippine National Police (PNP) dahil sa posibleng paghihiganti ng mga komunistang rebelde.
Ito ay kasunod ng pagkakapatay ng top-ranking communist official George “Ka Oris” Madlos sa Bukidnon nitong weekend.
Inanunsyo ito PNP chief Police General Guillermo Eleazar kasabay nang pagpuri niya sa Armed Forces of the Philippines’ internal security operations sa pagkakapatay kay Madlos.
Giit ni Eleazar na ang pagkasawi ni Ka Oris ay indikasyon at babala na hindi titigil ang mga otoridad sa anti-insurgency efforts nito laban sa Communist Party of the Philippines (CPP).
“The PNP is one with our brothers in the Armed Forces of the Philippines in curbing the lawless activities and atrocities of the communist rebels that bring fear and terror to our communities. The entire PNP hails this successful operation as a big blow to the CPP-New People’s Army-National Democratic Front (CPP-NPA-NDF),” ayon kay Eleazar.
Sa kabila nito, siniguro naman ni Eleazar ang kaligtasan at pinawi ang pangamba ng publiko.
“Tinitiyak ko sa publiko na hindi namin ito hahayaan. Patuloy ang pakikipag-ugnayan namin sa AFP upang siguruhin ang kaligtasan ng ating mga kababayan.”
(Toni Tambong)
The post PNP, naka-heightened alert kasunod ng pagkakapatay sa top-ranking communist leader “Ka Oris” appeared first on News Patrol.
PNP, naka-heightened alert kasunod ng pagkakapatay sa top-ranking communist leader “Ka Oris”
Source: Trending Filipino News
0 Comments