(Photo courtesy: Presidential Communications Operations Office)
Iginiit ni Pangulong Rodrigo Duterte na dapat manatiling nagkakaisa ang Association of Southeast Asian Nations (ASEAN) para sa kapayapaan at katatagan sa South China Sea alinsunod sa United Nations Convention on the Law of the Sea (UNCLOS) at 2016 Arbitral Award.
“We have come a long way in keeping the peace and promoting prosperity in our region. We must not allow those with diverging interests to make our efforts fail,” ayon kay Duterte sa 38th at 39th ASEAN Summits.
Nakamit ng Pilipinas ang Arbitral Award nang manalo ang bansa sa kasong idinulog nito sa Permanent Court of Arbitration (PCA) sa The Hague, The Netherlands kung saan hinamon ng Pilipinas ang territorial claim ng China sa South China Sea.
Hinikayat din ng Pangulo ang iba pang ASEAN member-countries na itaguyod ang 2002 Declaration on the Conduct of Parties in the South China Sea.
“Talks should not remain empty rhetoric. They should be translated into action to fortify the trust and confidence we have cultivated through the years. Acta non verba. Deeds, not words,” ani Duterte.
Matatandaan na noong Mayo, may mga umalma nang ikumpara ng pangulo ang arbitral ruling sa isang papel na maaaring itapon sa basurahan.
Iginiit ng mga kritiko na dapat igalang ang ruling na pabor sa Pilipinas. Dahil dito, kumabig ang pangulo at ipinag-utos na pag-ibayuhin ang pagpapatrolya ng maritime forces sa West Philippine Sea, na siyang exclusive economic zone ng bansa.
(Toni Tambong)
The post Pangulong Duterte, nanawagan ng ASEAN unity para sa kapayapaan sa South China Sea appeared first on News Patrol.
Pangulong Duterte, nanawagan ng ASEAN unity para sa kapayapaan sa South China Sea
Source: Trending Filipino News
0 Comments