Bumaba na sa limang porsyento ang positivity rate ng coronavirus disease (COVID-19) sa Metro Manila, ayon sa OCTA research group.
“The positivity rate, which measures the proportion of people who test positive using RT-PCR in the NCR (National Capital Region) decreased to 5 percent for the first time since July 14, 2021,”ayon kay OCTA research fellow Dr. Guido David sa isang tweet.
Ipinaliwanag niya na ang positivity rate na limang porsyento o mas mababa ay katanggap-tanggap ayon sa pamantayan ng World Health Organization (WHO).
“Hopefully, by next week, we will see something close to 4 percent. But based on history, the positivity rate in NCR plateaus around 3 to 4 percent,” pahayag ni David.
Base sa guidelines ng OCTA, mababa rin ang kasalukuyang 0.55 reproduction number ng Metro Manila at healthcare utilization rate nito na hindi tataas ng 60 porsyento.
(Photo courtesy: Dr. Guido David Twitter)
Ang reproduction number ay ang antas ng hawahan ng virus.
Samantala, nananatili naman sa “moderate” level ang average daily attack rate o incidence rate sa Metro Manila na pumapalo sa 6.75 kaso bawat araw kada 100,000 populasyon.
(Toni Tambong)
The post OCTA: COVID-19 positivity rate sa Metro Manila, 5% na lang appeared first on News Patrol.
OCTA: COVID-19 positivity rate sa Metro Manila, 5% na lang
Source: Trending Filipino News
0 Comments