Cebu, nagluwag na sa mga biyaherong papasok sa probinsya

(Photo courtesy: PNA)

Hindi na kailangan magpakita ng negatibong resulta ng reverse transcription polymerase chain reaction (RT-PCR) o rapid antigen test ang mga bibiyahe para makapasok ng Cebu.

Ito ay matapos ilabas ang bagong memorandum na pirmado ni Cebu Governor Gwendolyn Garcia kahapon, Oct. 1, na medical certificate na lang ang kailangang ipakita bilang passcode.

Sisiguraduhin din munang walang sintomas ang isang indibidwal bago makapasok sa lugar.

“They shall present a medical certificate certifying that they do not exhibit symptoms of Covid-19 disease at the point of origin. The medical certificate shall be issued within twenty-four (24) hours immediately before arrival in Cebu,” saad sa memo ni Garcia.

Ang nasabing kautusan ay agad namang ipatutupad ng probinsiya.

(Toni Tambong)

The post Cebu, nagluwag na sa mga biyaherong papasok sa probinsya appeared first on News Patrol.

Source: News Patrol PH