Sinabi ni chief implementer ng National Task Force (NTF) against COVID-19 na malaki ang posibilidad na mailagay sa alert level 2 ang National Capital Region (NCR).
Ayon kay vaccine czar Carlito Galvez Jr., ito ay dahil sa patuloy na pagbaba ng reproduction rate ng hawaan sa COVID-19.
“Nakikita natin very likely ‘yun. Nakikita natin na bumababa na ang reproduction rate– NASA (zero) point 52 percent and then also yung positivity ay bumababa na rin,” giit ni Galvez.
Dagdag pa ng NTF chief na kasalukuyang nakatuon ang pansin ng pamahalaan sa pandemic response sa mga high-risk areas gaya ng Negros Oriental sa Central Visayas at Zamboanga Peninsula.
“We are very happy na sana sa NCR, tuluy-tuloy na ito at bumababa na ang ating new cases to less than 1,000,” sabi ni Galvez.
Gayunman, depende pa rin umano sa Inter-Agency Task Force for the Management of Emerging Infectious Diseases (IATF-EID) kung magdedesisyong ibaba sa alert level 2 ang NCR.
“I do not want to preempt the discussion of the IATF. Pero nakikita natin na gumaganda talaga yung numbers at sa Metro Manila I am so happy na–very confident ako dahil more than 86 percent [population] na ang fully vaccinated,” ang pahayag ni Galvez.
Anjya, ang vaccination rate sa NCR ay tataas din ng hanggang 90% sa oras na palawigin na ang pediatric vaccination sa mga lugar.
“Ang maganda kasi dito sa Metro Manila, wala kaming nakikitang hesitation kahit yung initial first dose natin ay umaabot na ng 96 percent. So we are very happy about that,” ayon kay Galvez.
Sinabi naman ni Undersecretary Jonathan Malaya na handa ang Department of the Interior and Local Government (DILG) at ang Metro Manila mayors para sa posibleng pagbaba ng alert level sa rehiyon.
“The mayors are already aware of the additional capacity that will be given to establishments under the alert level system and our data is good. We see a continuous decrease in the number of cases in the past two weeks and the vaccination program is in full swing. So with a combination of the ramped-up vaccination program, the decrease in cases, and the additional deployment of police personnel, we are all set once we downgrade Metro Manila to Alert Level 2,” ayon kay Malaya sa Laging Handa public briefing.
Ang Metro Manila sa kasalukuyan ay nasa ilalim ng Alert Level 3 hanggang October 31.
(Toni Tambong)
The post Alert level 2 sa NCR, posible ayon kay vaccine czar Galvez appeared first on News Patrol.
Alert level 2 sa NCR, posible ayon kay vaccine czar Galvez
Source: Trending Filipino News
0 Comments