(Photo courtesy: hrw.org)
Hindi itatago ng gobyerno ng Pilipinas ang resulta ng imbestigasyon ng Department of Justice sa anti-drug campaign records.
Ito ang tugon ng Malakanyang sa hamon ni United Nations High Commissioner for Human Rights Michelle Bachelet sa pamahalaan na isapubliko ang findings ng imbestigasyon.
“Wala pong itinatago iyong imbestigasyon ng DOJ dahil kapag natapos po ang imbestigasyon at kinakailangang magsampa ng kaso, isasapubliko po lahat niyan,” tugon ni Presidential spokesperson Harry Roque.
Sa inisyal na imbestigasyon ng Philippine government, natuklasan na may 50 police officers ang maaaring criminally liable sa mga isinagawang anti-narcotics operations.
Nauna rito, tiniyak ni Justice Secretary Menardo Guevarra na isasapubliko ang kanilang natuklasan sa drug war probe.
Sinabi ni Guevarra na aprubado na ni Pangulong Rodrigo Duterte ang rekomendasyon ng DOJ para sa kaukulang case build up matapos i-forward sa NBI ang 51 mula sa 52 kaso ng drug war deaths.
Pero iginiit ni Roque, hindi makikipagtulungan ang gobyerno sa gagawing imbestigasyon sa war on drugs ng International Criminal Court (ICC).
(Toni Tambong)
The post Administrasyon hindi itatago ang findings ng drug war investigation appeared first on News Patrol.
Administrasyon hindi itatago ang findings ng drug war investigation
Source: Trending Filipino News
0 Comments