(Photo credit: PCG)
Sumabak sa pagsasanay sa PCG Regional Training Center Zamboanga na matatagpuan sa San Ramon, Zamboanga City ang humigit-kumulang 600 recruits ng PCG.
Ayon kay PCG Commodore Spokesperson Armand Balilo, tatagal ng anim na buwan ang pagsasanay at hahasain ang 573 recruits sa military drills, basic soldiery, at customs and traditions ng PCG.
Sasailalim din sila sa pagsasanay patungkol sa mga mandato ng serbisyo, partikular ang pagpapatupad ng maritime law enforcement, maritime security, maritime safety, search and rescue, at marine environmental protection.
Nakibahagi sa convening ceremony ng Coast Guard Non-Officers’ Course (CGNOC) Class 85 – 2021 sina CG Commodore Roben N De Guzman, Deputy Commander ng Coast Guard Education, Training, and Doctrine Command (CGETDC) at CG Commodore Luisito S Sibayan, Commander ng Coast Guard District Southwestern Mindanao (CGDSWM).
(Jocelyn Domenden)
The post 600 recruits, nagsasanay na para maging bagong mga coast guard appeared first on News Patrol.
600 recruits, nagsasanay na para maging bagong mga coast guard
Source: Trending Filipino News
0 Comments