Cyber libel case nina Cusi at Uy laban sa pitong media outlet, pinalagan ng NUJP

_{(File photo)}

Pinalagan ng National Union of Journalists of the Philippines (NUJP) ang cyber libel complaints na inihain nina Department of Energy Secretary Alfonso Cusi at negosyanteng si Dennis Uy laban sa 18 opisyal at mamamahayag ng pitong media outlet.

Patungkol ito sa inilabas na artikulo ukol sa isang graft suit na inihain laban kina Cusi at Uy.

Matatandaan na nitong Biyernes nang ihain ni Cusi ang kaso laban sa 18 opisyal at mamamahayag ng Manila Bulletin, ABS-CBN News, BusinessWorld, Rappler, Philippine Star, GMA News at Business Mirror.

Humihingi pa siya ng P200 milyon mula sa news organizations para sa mga pinsala na resulta ng inilathalang mga artikulo.

Giit ng NUJP na ang mga reklamo ay layong takutin at gipitin ang press at ang P200 milyong hinihinging kabayaran mula sa pitong media outfits ay maaaring makapilay sa nasabing mga kinasuhang news organization kung saka-sakali.

Dagdag pa ng NUJP, ang mga inilathalang artikulo ng mga mamamahayag ay base sa isang press conference, press release, at sa isang reklamong inihain sa Office of the Ombudsman.

“For Secretary Cusi to say in his complaint that the journalists ‘accused [him] of graft]’ is a total misunderstanding, if not a deliberate way to mislead the public, of the role of journalists. The journalists did not accuse him; the complainants did. The journalists only covered the complaint,” giit ng NUJP.

“Journalists are not businessmen, politicians, brokers, or lobbyists out to find a way to ‘settle misunderstandings and differences.’ We are the public guardians — out to report on matters like this, a difference of opinion between the executive and the legislative, the latter pointing out that there were shortcuts to approve the sale of billion-peso shares of the Malampaya project, a crucial public infrastructure,” dagdag pa ng NUJP.

Hinikayat naman ng NUJP si Cusi na huwag nang ituloy ang inihaing reklamo at sa halip ay ituon ang atensyon sa pagpapaliwanag sa publiko kung ano ang nangyari sa Malampaya gas deal.

“May we remind Secretary Cusi of what the Supreme Court said about public officials suing for libel: Without a vigilant press, the government’s mistakes would go unnoticed, their abuses unexposed, and their wrongdoings uncorrected,” dagdag pa ng NUJP.

(Toni Tambong)

The post Cyber libel case nina Cusi at Uy laban sa pitong media outlet, pinalagan ng NUJP appeared first on News Patrol.

Cyber libel case nina Cusi at Uy laban sa pitong media outlet, pinalagan ng NUJP
Source: Trending Filipino News