Sara Duterte-Carpio, tinanggap ang chairmanship ng Lakas-CMD

Tinanggap na ni Davao City Mayor Sara Duterte-Carpio ang chairmanship ng Lakas-Christian Muslim Democrats (Lakas-CMD), batay sa ulat.

Nauna ngang napabalita na inialok ni Senator Ramon ‘Bong’ Revilla ang naturang posisyon kay Sara.

Ayon kay Revilla, ito ay bilang pagpapakita ng buong suporta sa kandidatura ni Duterte-Carpio.

“In full support of Mayor Sara Duterte’s candidacy for vice president, I am offering her my post as chairman of Lakas-CMD… I have full trust and confidence in Mayor Sara Duterte’s leadership, I believe that she will steer the party towards victory in 2022,” saad ni Revilla.

“I am honored to accept the chairmanship of Lakas-CMD,” pahayag ng kampo ni Sara sa pamamagitan ng spokesperson nitong si Liloan, Cebu Mayor Christina Frasco sa GMA News Online.

“Together with the party, I look forward to waging a successful campaign for Uniteam BBM-Sara, with the invaluable support of our fellow Filipinos.”

Matatandaang si Sara ang magiging pambato ng Lakas-CMD sa pagka-bise presidente sa 2022 elections.

Noong Nobyembre 11, sumanib si Mayor Sara sa Lakas-CMD makaraang magbitiw sa sariling partidong Hugpong Ng Pagbabago.

Sinundan naman ito ng kanyang paghahain ng certificate of candidacy para sa pagka-bise presidente 2022 elections via substitution route.

 

(Toni Tambong)

The post Sara Duterte-Carpio, tinanggap ang chairmanship ng Lakas-CMD appeared first on News Patrol.

Sara Duterte-Carpio, tinanggap ang chairmanship ng Lakas-CMD
Source: Trending Filipino News