Patuloy na bumababa ang Covid-19 cases sa bansa.
Ayon sa Octa Research group, sumadsad sa -7% ang COVID-19 growth rate sa National Capital Region.
Sa tweet ni OCTA fellow Dr. Guido David, mula November 11 hanggang 17, naitala ang average na 379 na bagong kaso ng Covid-19.
Mas mababa ito kumpara sa 407 na naitala noong November 4 hanggang 10.
Nasa 0.5 pa rin naman ang reproductive number sa rehiyon mula pa noong November 14.
Ang reproduction number ang average na bilang ng secondary infections ng isang infected na tao na pangunahing indicator na gamit ng OCTA sa pag-aaral sa COVID trend.
“With such a low positivity rate, we project the NCR will continue to have a decline in new cases, with a target 7-day average of 200 new cases by end of November,” sabi pa ni David.
“However, we must continue to adhere to minimum public health standards.”
Kung magtutuloy-tuloy ang pagbaba ng growth rate, posibleng hindi na umabot sa isang libo ang mga Covid-19 cases sa bansa hanggang sa katapusan ng buwan ayon sa Octa reseatch group.
(Toni Tambong)
(Courtesy: Dr. Guido David Twitter)
The post Octa: Covid-19 growth rate, sumadsad sa -7% appeared first on News Patrol.
Octa: Covid-19 growth rate, sumadsad sa -7%
Source: Trending Filipino News
0 Comments