(File)
Naniniwala si presidential adviser for entrepreneurship Joey Concepcion na malapit nang isailalim sa Alert Level 1 ang Metro Manila.
Ang Alert Level 1 ang pinakamaluwag at pinakamababang quarantine restriction.
“Yes, I believe so. In fact, OCTA Research is saying we are ready for Alert Level 1,” sabi ni Concepcion.
“You got basically the start of Alert Level 1 hopefully in December which would propel more of the vaccinated to have greater mobility,” dagdag pa ng opisyal.
Iginiit ni Concepcion na sa kasalukuyan, ang National Capital Region pa lamang ang kwalipikado sa pagbaba sa Alert Level 1.
NCR pa lamang kasi ang halos nakaabot na sa target na 70 porsyentong nabakunahan na senior population.
Sa ilalim ng Alert Level 1, mas maraming negosyo ang maaaring magbukas sa mas malaking kapasidad.
Subalit inulit ni Concepcion na kailangang mahigpit na ipatupad ang minimum health protocols upang maiwasan ang muling paghihigpit ng alert level.
“All of these establishments that we pushed for the opening should adhere to this. If something goes wrong, then we would face another lockdown down the road. So let’s keep on following these rules and we should be safe,” giit niya.
Hanggang November 30 ay nasa ilalim ang NCR sa Alert Level 2.
(Toni Tambong)
The post NCR malapit nang isailalim sa Alert Level 1, ayon kay presidential adviser Joey Concepcion appeared first on News Patrol.
NCR malapit nang isailalim sa Alert Level 1, ayon kay presidential adviser Joey Concepcion
Source: Trending Filipino News
0 Comments