Maaari nang makakuha o maka-access ng Molnupiravir sa pamamagitan ng Bayanihan E-Konsulta Program ng Office of the Vice President (OVP).
Ito ang inanunsyo ni Vice President Leni Robredo sa kanyang Facebook account.
Ang Molnupiravir ay ang anti-viral pill na ginagamit bilang gamot sa mild to moderate COVID-19 cases.
Ang Bayanihan E-Konsulta ay ang telemedicine program o online medical consultation program sa ilalim ng Office of the Vice-President.
Ayon kay Robredo, pumirma siya ng memorandum of agreement sa QualiMed Health Network para mag-assist sa mga pasyenteng niresetahan ng Molnupiravir.
Ang OVP ay mag-i-isyu ng guarantee letter sa pamamagitan ng Bayanihan E-Konsulta at ito ang isusumite ng pasyente sa QualiMed.
Ang first shipment ng Molnupiravir ay dumating sa Pilipinas noong Nov. 17.
“QualiMed facilities will then further assess and prescribe the medicine to the patient,” ayon sa kanya.
“We are truly humbled and grateful to the QualiMed Health Network for trusting us with this partnership, helping us extend our reach in delivering aid to more of our kababayans in need,” dagdag ni Robredo.
(In photo: Kasunduan sa pagitan ng Bayanihan E-konsulta program at QualiMed sa paghahatid ng Molnupiravir drug sa COVID-19 patients. Courtesy: OVP)
Ang Molnupiravir ang nakikitang game-changer sa paggamot ng COVID-19 patient dahil hindi na kailangang maospital sa umpisa pa lamang ng infection.
Noong November 9, hiniling ni Senator Panfilo Lacson sa Food and Drug Administration (FDA) na payagan ang pagbebenta ng Molnupiravir sa drug stores at pharmacies.
Sa ngayon, ang gamot ay available pa lamang sa ilang ospital at treatment centers sa pamamagitan ng special permit na ibinibigay ng Food and Drug Administration.
(NP)
The post Molnupiravir, available na para sa COVID-19 patients sa Bayanihan E-Konsulta appeared first on News Patrol.
Molnupiravir, available na para sa COVID-19 patients sa Bayanihan E-Konsulta
Source: Trending Filipino News
0 Comments