Hindi na mandatory ang paggamit ng face shield sa mga lugar na nasa Alert Levels 1, 2 at 3 sa bansa.
Inaprubahan na kasi ni Pangulong Rodrigo Duterte ang rekomendasyon ng IATF na luwagan ang face shield policy sa bansa.
Sa mga lugar na nasa ilalim ng Alert Level 1, 2 at 3 ay boluntaryo na lamang ang paggamit nito.
“You dispense with the shield but not the mask. Iyong mask will forever remain. Yung face shield ano na iyan puwede na ninyong hindi gamitin except dito sa mga lugar na Alert 5,” pahayag pa ng pangulo.
Para naman sa mga lugar na nasa Alert Level 4, ang LGU na at mga pribadong establisimyento ang magde-desisyon kung ire-require ang paggamit ng face shield.
Mandatory pa rin ang face shield sa mga lugar namang nasa Alert Level 5, enhanced community quarantine (ECQ) at granular lockdown.
Ang mga medical workers ay nananatiling required na gumamit ng face shields sa healthcare settings.
“Iyong mga delikado, ospital, mga laboratory, it’s still a must,” dagdag pa ni Pangulong Duterte.
(Toni Tambong)
The post Duterte: Face shield, hindi na mandatory sa mga lugar na nasa Alert Levels 1, 2 at 3 appeared first on News Patrol.
Duterte: Face shield, hindi na mandatory sa mga lugar na nasa Alert Levels 1, 2 at 3
Source: Trending Filipino News
0 Comments