Domestic tourists, libre na sa RT-PCR test ayon sa DOT

(Photo courtesy: PNA)

Maaari nang makakuha ng libreng reverse transcription-polymerase chain reaction (RT-PCR) test ang domestic travelers simula ngayon araw, Nov. 1, ayon sa Department of Tourism. (DOT)

“We decided para talagang mas menos gastos, we’ve decided to subsidize 100 percent so starting Nov. 1, zero na…Subsidized na ng DOT at TPB [Tourism Promotions Board]. So, wala na silang babayaran for RT-PCR swab. Libre na with the Philippine Children’s Medical Center,” pahayag ni Tourism Secretary Bernadette Romulo-Puyat sa panayam ng Sakto ng TeleRadyo.

Matatandaang nauna nang nagbigay ng subsidiya ang DOT sa RT-PCR tests ng halagang P750 mula sa orihinal na presyo nito na P3,500 sa mga ospital at testing center.

Ayon kay Puyat, ang libreng RT-PCR test ay isinasagawa pa lang sa Philippine Children’s Medical Center (PCMC).

Sa ngayon, naghananap pa ang DOT ng mas maraming ospital para sa pakikipag-tie up sa libreng RT-PCR.

“Marami kasing gusto magtravel pero namamahalan sila, kahit na yung P750 napakamahal daw. That’s why we subsidized,” paliwanag pa ng kalihim.

“Kailangan lang nila ipakita na they are in a DOT-accredited hotel at may return ticket kasi we can only pay for tourists,” dagdag pa ni Puyat.

Sinabi rin ni Puyat na maaaring i-avail ng travelers ang subsidiya hanggat gusto nila dahil pinalalakas din ng ahensiya ang domestic tourism.

“By the way, no age restrictions, matagal na naming hiniling sa IATF (Inter-Agency Task Force Against COVID-19) kasi Filipinos travel as a family…Ang staycation sa Metro Manila, no age restriction din sila,” saad pa ni Puyat.

(Toni Tambong)

The post Domestic tourists, libre na sa RT-PCR test ayon sa DOT appeared first on News Patrol.

Domestic tourists, libre na sa RT-PCR test ayon sa DOT
Source: Trending Filipino News