Dating DOLE Sec. Roque, iniatras ang kandidatura sa pagka-senador; papalitan ni labor Sec. Bello

(In photo: Labor Secretary Silvestre Bello III. File)

Binawi na ng kaisa-isang senatorial aspirant ng partido Lakas-CMD ang kanyang kandidatura sa Commission on Elections (Comelec) ngayong araw, November 13.

Si Marianito Roque na dating Department of Labor and Employment (DOLE) secretary na tatakbo sanang senador sa 2022 elections ay papalitan ng kasalukuyang labor secretary na si Silvestre Bello III.

“Medyo mabigat iyong gagawing campaign saka masyadong madami ang nasa field ngayon kaya siguro I’ll take my chances some [other] time,” pahayag ni Roque.

Ayon kay Roque, personal niyang desisyon ang ginawang pagwi-withdraw ng kandidatura.

Sa Lunes, November 15 ay inaasahan pang mas marami ang maghahain ng kanilang withdrawal of candidacy gayundin ang substitution para sa national at local elections.

Inaasahan ding sa Lunes ay magpapaalam na si Bello sa mga kawani ng DOLE sa flag raising ceremony ng kagawaran.

(Jocelyn Domenden)

The post Dating DOLE Sec. Roque, iniatras ang kandidatura sa pagka-senador; papalitan ni labor Sec. Bello appeared first on News Patrol.

Dating DOLE Sec. Roque, iniatras ang kandidatura sa pagka-senador; papalitan ni labor Sec. Bello
Source: Trending Filipino News