Covovax ng India, binigyan na ng emergency use authorization (EUA) ng FDA

_{(File photo)}

Aprubado na ng Food and Drug Administration (FDA) ang emergency use authorization (EUA) ng Covovax vaccine ng India laban sa COVID-19.

Sa Laging Handa briefing, inanunsyo ito ni FDA director-general Eric Domingo at maari naman itong maiturok sa  edad 18 pataas.

“Bagong klaseng bakuna po ito, ito po ay tinatawag na protein subunit… isang parte po na pure part of the antigenic [na] parte po ng virus ang kanyang nire-replicate. Pagkatapos ito ang ine-inject para mag elicit ng immune response,” ani Domingo.

Ayon pa kay Domingo, ibibigay rin ito ng dalawang doses na may interval na tatlo hanggang apat na linggo.

“Nakita po sa kanyang mga clinical trial na very mild ang mga adverse event na reported… and an efficacy rate of preventing COVID-19 about 89.7%.”

“So ito po ay isang possible natin na maaring magamit na bakuna. Lalong-lalo na siguro towards the end of the year o sa darating na 2022,” dagdag pa nito.

(Toni Tambong)

The post Covovax ng India, binigyan na ng emergency use authorization (EUA) ng FDA appeared first on News Patrol.

Covovax ng India, binigyan na ng emergency use authorization (EUA) ng FDA
Source: Trending Filipino News