Planetarium, pansamantalang isasara sa publiko

_{(Photo Courtesy: National Museum of the Philippines FB)}

Pansamantalang isasara ang National Planetarium sa Maynila, ayon sa anunsyo ng National Museum of the Philippines.

“Announcing the temporary closure of the National Planetarium as an institution and the decommissioning of its building in Rizal Park, Manila, inaugurated in 1975,” ayon sa kanilang Facebook post.

Matapos ang mahigit apatnapung taon ay kinakailangang magsara ng Planetarium para magbigay-daan sa mga bagong development plan ng National Parks Development Commitee (NPDC)  sa central at western section ng Rizal Park.

“Thus it is, with a measure of sadness, fondness and nostalgia – but also with anticipation and excitement for its future, that we announce the temporary closure of the National Planetarium as an institution and the decommissioning of its 46 year-old premises in the central section of Rizal Park, Manila,” ayon pa sa pahayag ng National Museum.

Ang Eastern section ng Rizal Park ay una nang nakuha ng National Museum of the Philippines  para doon naman ilagay ang National Museum of Anthropology and National Museum of Natural History.

Bagamat nalulungkot ang pamunuan ng National Museum sa pagre-retire ng lumang gusali ay excited din naman ito para sa pagsasagawa ng mga pagbabago at pagkakaroon ng bagong pasilidad na muling magbibigay buhay sa National Planetarium bilang institusyon.

(NP)

The post Planetarium, pansamantalang isasara sa publiko appeared first on News Patrol.

Planetarium, pansamantalang isasara sa publiko
Source: Trending Filipino News