(Photo courtesy: Pixabay)
Pinayagan na ng Supreme Court ang pagsasagawa ng limitadong in-court proceeding o pagsasagawa ng pagdinig nang personal sa trial courts ng National Capital Region courts simula sa Lunes, October 18.
Sa inilabas na circular ni Supreme Court Administrator Jose Midas Marquez, maaari nang isagawa ang in-court proceedings sa first at second level courts sa NCR.
Kabilang sa mga ito ang municipal trial courts at regional trial courts.
Ang kautusan ay bunsod ng pagsasailalim sa Metro Manila sa Alert Level 3 simula bukas, Sabado, Oct. 16.
Gayunman, gagawin lamang ito sa urgent cases o mahahalagang kaso, at limitado rin ang in-court attendance sa mga abogado, partido at testigo na obligadong humarap nang personal sa korte.
Pinahintulutan rin ang hanggang 50% na skeleton workforce sa mga korte at essential judicial offices.
Inalis na rin ang suspensyon sa paghahain ng pleadings at motion sa lahat ng trial courts sa buong bansa.
(Toni Tambong)
The post NCR trial courts muling magbubukas simula Oct. 18 para sa in-court proceedings appeared first on News Patrol.
NCR trial courts muling magbubukas simula Oct. 18 para sa in-court proceedings
Source: Trending Filipino News
0 Comments