COVID-19 vaccine brands na naiturok sa Pilipinas, tanggap sa pagbyahe sa U.S. at Europe

(File)

Pasok sa listahan ng Centers for Disease Control and Prevention ng US ang mga brand ng bakuna na naiturok sa Pilipinas.

Isa ito sa mga batayan bago payagang makapasok ang isang indibidwal sa Amerika.

Ayon kay Presidential Spokesperson Harry Roque, kabilang sa listahan ang FDA-approved vaccines na Pfizer o Comimaty, Moderna o Spikevax at J and J Janssen.

Kasama din ang WHO-EUL-approved vaccines na Astrazeneca, Covishield, Sinopharm at Sinovac.

Sa Europa naman, tanggap din ang mga brand na Pfizer, Vaxzeveria o Astrazeneca, SK Bioscience at Covishield, Moderna, Sinopharm, Sinovac, at Janssen.

Sabi ng Palasyo, mabuting balita ito lalo na sa mga bumibiyahe patungong Amerika at Europa.

Sisimulan na sa November ang pagtanggap sa mga biyaherong papuntang Estados Unidos at Europa na bakunado ng mga nabanggit na Covid-19 vaccine brands.

(Toni Tambong)

The post COVID-19 vaccine brands na naiturok sa Pilipinas, tanggap sa pagbyahe sa U.S. at Europe appeared first on News Patrol.

COVID-19 vaccine brands na naiturok sa Pilipinas, tanggap sa pagbyahe sa U.S. at Europe
Source: Trending Filipino News