Mga residente ng Surigao del Norte, inilikas dahil sa Bagyong Odette

admin December 16, 2021

_{(Photo courtesy: screengrab from PTV FB)}

Ramdam na ang malakas na ulan at hangin sa Surigao del Norte bunsod ng signal number 4 dahil sa bagyong Odette.

Kaya naman patuloy ang paglilikas sa mga apektadong residente.

Umabot na sa mahigit animnapu’t isang libong indibidwal ang inilikas sa Surigao del Norte dahil sa paghagupit ng bagyong Odette.

Siksikan na rin sa silang mga evacuation site dahil sa dami ng mga evacuee.

Puspusan pa rin ang ginagawang hakbang ng barangay upang matugunan ang mga pangangailangan ng mga apektadong residente lalo na sa pagkain.

Ang ibang residente, tumulong naman sa pagkupkop sa mga walang matutuluyan ang ilang residente.

(NP)

Trending Filipino News