(File Photo: Larawan nina Pastor Apollo Quiboloy at Pangulong Rodrigo Duterte)
Pinatawad na umano ni Kingdom of Jesus Christ (KOJC) founder Pastor Apollo Quiboloy ang mga nag-aakusa sa kanya sa kinakaharap na sex trafficking charges sa Estados Unidos.
“I forgive all my detractors. I forgive all those betrayals. I forgive all the traitors. I forgive all of those who have come to see the truth and turn their back on it. I forgive all of it,” saad ni Quiboloy sa isang report.
Maaalalang noong 2020, nakalusot si Quiboloy sa alegasyong rape at sexual abuse dahil sa kakulangan ng ebidensya.
Sa bagong kaso ni Quiboloy, sinabi naman ng Department of Justice na wala pang extradition request na inihahain ang U.S. Embassy in connection patungkol sa kanyang kaso.
“Ang pinakamahalagang tandaan diyan, ‘yung offense charged in the U.S. is also punishable dito sa Pilipinas under our laws. Ang requirement diyan ay punishable by at least one year imprisonment,” paliwanag ni Justice Secretary Menardo Guevarra.
“So, kung magkaroon na ng decision ‘yung Philippine Court na dapat ma-extradite, then, it will render a decision. And, if that decision becomes final, ite-turn over natin o isu-surrender natin sa ating counterparts in the U.S. ‘yung person of the accused.”
Samantala, sinabi naman ni Pangulong Rodrigo Duterte na hindi niya pipigilan ang anumang extradition laban kay Pastor Apollo Quiboloy sakaling hili. gin ito ng Amerika para maharap niya ang kasong sex trafficking na inihain laban kay Quiboloy.
Ito ang naging pahayag ni Sen. Christopher Lawrence “Bong” Go noong Lunes, November 22, nang tanungin kung hahayaan ni Pangulong Duterte ang extradition kay Quiboloy.
Si Quiboloy kasi ay matalik na kaibigan ni Pangulong Duterte at kanya ring spiritual adviser.
“The President is there to give moral support kay (to) Pastor Quiboloy. Kaibigan sila,” sabi pa ni senador Bong Go.
“Si Presidente ‘pag kaibigan ka, kaibigan talaga,” dagdag pa ni Bong Go.
Pero kahit pa umano kaibigan si Quiboloy ng pangulo ay hindi naman pipigilan ni Duterte ang posibleng extradition ni Quiboloy.
“Abugado si PRRD at ako po’y naniniwala na sumusunod sa batas ang ating presidente ,” sabi pa ni Go.
Matatandaang naiulat noong isang linggo na sinampahan ng kasong sex trafficking si Quiboloy sa Amerika.
(with report from Toni Tambong)
The post Quiboloy sa mga nag-akusa sa kanya ng sex trafficking: I forgive you all appeared first on News Patrol.
Quiboloy sa mga nag-akusa sa kanya ng sex trafficking: I forgive you all
Source: Trending Filipino News
0 Comments