(File: Boracay)
Kinilala muli ang Pilipinas bilang nangungunang beach at diving destination sa Asia sa World Travel Awards.
Ayon sa Department of Tourism (DOT), ito na ang ikalimang beses na nanalo ang bansa bilang Asia’s Leading Beach Destination at ikatlong beses naman bilang Asia’s Leading Dive Destination.
“We are elated that the country’s pristine beaches and mesmerizing dive spots have once again been cited as the best in Asia by the prestigious 2021 World Travel Awards,” pahayag ni Tourism Secretary Berna Romulo-Puyat.
Dagdag pa ni Puyat, makatutulong ito sa Pilipinas na maging top-of-mind destination ng mga dayuhang turista habang hinihintay ang pagbabalik ng international leisure travel sa bansa.
Patuloy ring isusulong ng bansa ang global campaign na “More Fun Awaits”.
Samantala, lumalaban din ang bansa para sa titulong World’s Leading Beach Destination at World’s Leading Dive Destination ng 2021 World Travel Awards.
Nominado rin ang Siargao para sa World’s Leading Island Destination, Intramuros para sa World’s Leading Tourist Attraction at ang Department of Tourism sa World Leading Tourist Board.
Maaari pang bumoto hanggang October 24 sa World Travel Awards website.
(NP)
The post Pilipinas, kinilala bilang Asia’s top beach at diving destination appeared first on News Patrol.
Pilipinas, kinilala bilang Asia’s top beach at diving destination
Source: Trending Filipino News
0 Comments